話說我今日屎忽痕去左Join F記，其實我自己有場練，點解要join呢？就係因為佢地而家擴充緊，主要join係因為佢地有Olympic Platform(奧運舉重台?，最早有個間應該係高級P記)，個sales又講兩句C記壞話，咁呢D我唔講啦！。咁因為我個GYM本身已經鋪哂地防震地毯，而且都有足夠深蹲架同埋硬拉地台，所以要黎都無用，所以我咪去朝聖囉，但係因為高級P記太貴，所以惟有join F記。但係有樣野真係整你個制?！你呢個係奧運舉重台，就係比人玩奧運舉重？咁即係唔夠力有咩冬瓜豆腐都可以放手！我做硬拉(Deadlift)已經set set都輕放，比著我自己gym房？大大力掟啦(雖然呢個係我賣點。）我拉220唔夠力當然放手，更何況係因為你地D Bar滑嘟嘟咁，咁又一定唔比用鎂粉(chalk)啦！使唔使即刻過黎話嘈有人投訴呀？大佬呀！你呢間Gym 無話淨係比初學者用架？即係專業人士都得啦！咁專業人士包括健美、瑜珈、泰拳、就係唔包括健力？我都已經係你個platform到玩，仲用埋bumper plates，咁你都要X。PT 始終係PT，大家始終同行，專業少少啦！有人投訴咪講呢到的確係有咁既platform比人做咁既野。正如街都有人食臭豆腐啦，你明知架，咁你又行埋去？跟著仲要X人？一係你間F記就唔好整Olympic Platform，又要威又要戴頭盔！解釋都唔識！
*歡迎大家對號入座！我記得個時有個出名健身youtuber F.Wong 有比P記既人寸佢唔準玩kettlebell，佢即刻拍條片出黎show quali，應該都2，3年前。我諗都要比班人見識下咩叫真正健力，不過掟啞鈴又唔話喎！好明顯係蝦我細隻啦！
**Join左都好，等我第時多D靈感拍片比大家！好笑野實在太多，我相信其他youtubers都唔會講出黎，就等我做醜人啦！
